A directora xeral de Familia e Inclusión, Amparo González, e a presidenta de Cruz Vermella Galicia, Carmen Colmeiro, presentaban na mañá do 18 de xullo, a campaña-xira “Os Bolechas familia acolledora”, que percorrerá Galicia para dar a coñecer de forma lúdica o acollemento familiar no seu espectácular bus de dous pisos.
En horario de 12 a 15h e de 17 a 21h. o programa protagonizado polos personaxes creados por Pepe Carreiro que forman a familia dos Bolechas, incluirá obradoiros, animación á lectura, contacontos, audiovisuais, sorteos, multimedia…
O 21 de xullo Os Bolechas e os monitores estarán no campo da Compañía de Monforte de Lemos; o 22 achegaranse ata o parque Barbaña de Ourense; o 23 na zona pernil do Calvario en Vigo; o 28 na praza do Concello de Burela; o 29 na praza de Esther Pita en Oleiros; o 30 na praza de Galicia de Boiro; e o 31 na explanada do Auditorio de Vilagarcía de Arousa.
