7-0 gañaban os barquenses ao equipo lucense na xornada 11 de liga
Con sete goles a favor dos locais, se saldaba o encontro correspondente á 11ª xornada da liga cadete (grupo 10º) que enfrontaba ao C.D. Barco e C.F. Monforte no campiño de Viloira (O Barco de Valdeoras). Un partido no que o equipo visitante non lograba marcar.
Na tarde do sábado 22 de novembro, e tralo partido da liga infantil, que o equipo do Barco perdía ante o E.D. Chantada, o campo de herba artificial acollía o partido arbitrado polo colexiado Manual Mariño Losada que gañaban sen problemas os rapaces que adestra Gunti.
Con este resultado, o conxunto do C.D. Barco sube postos na táboa e sitúase na quinta praza con 20 puntos. O C.F. Monforte pecha a clasificación, no posto número 12.
Fotos: Carlos G. Hervella.