O comezo de tempada non podía ser mellor para os cadetes do C.D. Rúa, que permanecen invictos logo de seis partidos desputados.
Os rapaces que adestra Luis, lograba a última vitoria por 2 goles a 1, na casa, no campo do Aguillón na mañá do sábado 18 de outubro ante a A.D. Bosco. Con este resultado, os rueses mantéñense como líderes da clasificación.
Para liderar a táboa, o equipo da Rúa vencía á UD Ourense (0-3), C.D. Monforte (8-0), Arenteiro (1-4), Calasancio “B” (5-0) e Velle “B” (1-11).
Os infantís, caen 1-3 ante o Arranxar
Unhas horas antes de que os cadetes do C.D. Rúa comezasen o seu partido no campo de fútbol do Aguillón, na mañá do 18 de outubro, tocáballe o turno ao equipo infantil do club rues. Malia chegar ao descanso co 1-0 no marcador, preto do final do encontro os visitantes lograban darlle a volta ao marcador, rematando a 6ª xornada de liga, co 1-3 final.
Esta derrota súmase ás outras tres que o equipo rues leva no que vai de tempada, completando o historial ata o momento, con dúas vitorias: 0-3 ante a U.D. Ourense e 1-0 ante o Calasancio “B”.
