Coa cata oficial da XVIII Feira do Viño de Valdeorras abríase o programa deste certame que se desenvolverá os días 11 e 12 de xullo na praza de Viloira (O Barco). Presentábanse un total de 34 marcas que foron valoradas por un panel de 10 profesionais.
O concurso incluía unha pre-cata, celebrada na tarde do 9 de xullo na que se escollían unha serie de viños que pasaban á cata final, celebrada o 10 de xullo, decisiva á hora de entregar os galardóns desta edición (tres premios en brancos, outros tantos en tintos e unha mención a outras añadas). Malia que a decisión xa está tomada, o nome dos galardoados non se coñecerá ata o acto da entrega de premios, que terá lugar o 12 de xullo ás 13h. no recinto feiral.
De seguido, desenvolverase unha cata popular da que formarán parte os viños da feira, na que participan 16 adegas amparadas polo CRDO Valdeorras, e que será dirixida pola sumiller Mercedes González.
Fotos: Carlos G. Hervella
