Os mellores chefs “junior” de Celanova déronse cita hoxe, 4 de xullo, na primeira xornada do “III Celanova Chef”, que durará até o día 6. Este obradoiro de cociña para nenos está organizado pola Fundación Curros Enríquez e o Concello de Celanova. Desta volta, nestas tres xornadas, que se repetirán os días 11 e 13 de xullo.
Este curso está destinado para rapaces de entre 6 e 14 anos interesados en aprender a cociñar e coñecer os produtos do mercado. A primeira receita que elaboraron foi a de barquillos con tulipas ( que servirán para acompañar con froita ou xeado), bolos preñados ( con chourizo do Xurés), trenzas e formas variadas con pan de aceite de oliva.
A segunda receita foi a das “galipizzas” con queixo da montaña de Entrimo, chourizo, xamón, olivas e pasta fresca.
De sobremesa, fixeron galletas, granizados, algodón doce e bombóns de pataca fritida. Todo isto estivo dirixido baixo as ordes do cociñeiro Martín Álvarez González.