Na XVIII Cata dos Viños participaban 18 mostras de tintos e 13 de brancos das adegas asistentes á mostra
A partires das once da mañá do 14 de xullo tiña lugar na sede do Consello Regulador da Denominación de Orixe Valdeorras, en Vilamartín, a XVIII Cata dos Viños da feira desta denominación de orixe ourensá.
Neste certame oficial, enmarcado na celebración da XX Feira do Viño da comarca, participan 13 adegas cun total de 31 referencias distintas (18 de tintos e 13 de brancos).
Os premios aos mellores viños da cata daranse a coñecer nun acto público o vindeiro domingo 16 de xullo na Praza de Viloira (O Barco), xusto antes de que se clausure a Feira do Viño.
Fotos: Carlos G. Hervella.
