O Centro Cultural Marcos Valcárcel acollía na mañá do xoves 20 de outubro a presentación da terceira edición do programa Cata a Arte, impulsado polo Consello Regulador da DO do Ribeiro en colaboración coa Deputación de Ourense. Durante seis xoves, a partires do vindeiro 27 de outubro, os que desexen participar desta iniciativa poderán degustar os mellores ribeiros das seis adegas participantes mentres gozan de música, poesía e arte. As citas, no Centro Cultural Marcos Valcárcel a partires das 20 h.
O acto de presentación contou coa participación de Felicísimo Pereira, en representación do CRDO Ribeiro, a pianista María Mendoza, que iniciará as xornadas da 3ª Cata a Arte presentando o seu último disco, o vicepresidente da Deputación, Rosendo Fernández, o director do Centro Cultural, Paco González, e a presidenta da Asociación Down de Ourense, María del Pilar Prieto. O colectivo que ela dirixe será o beneficiario nesta edición dos fondos que se recaden durante as xornadas.
Máis información na vindeira edición en papel do Periódico O SIL.
Texto e fotos: S.F.
