Con descontos de ata o 20% en artigos de tempada e ampliando os seus horarios de atención ao públicos o comercio valdeorrés súmase ao “Venres Negro”. Así ao longo da xornada do 24 de novembro preto de 40 establecementos do Barco e da Rúa ofrecerán interesantes prezos aos seus clientes e permancerán abertos ata as dez da noite. Esta iniciativa será promovida a través da Asociación Empresarial de Valdeorras (AEVA) e do Barco Centro Comercial Aberto (CCA).
No caso do Barco participarán nesta campaña un total de 26 tendas de sectores moi diferentes como o téxtil, os complementos e os zapatos, pasando pola perfumería e a estética e ata a decoración, os libros e a óptica. No que se refire á Rúa serán dez os establecementos nos que se poderá desfrutar dos descontos deste “Venres Negro”.