¿Quen somos?

O Sil, unha cabeceira intercomarcal.

Unha cabeceira intercomarcal.O Sil ano 2000 é unha cabeceira que naceu en torno á conca do río Sil, de aí o seu nome, e está editado pola empresa de comunicación GARHERVE S.L. Esta publicación apereceu por vez primeira en outubro de 1996 e dende entón sae á rúa cunha periodicidade mensual gracias a labor profesional, gran esforzo e interese que depositan en cada número o equipo de persoas que elaboran O Sil. Isto faise tamén posible pola fidelidade e respaldo que día a día amosan os seus lectores, así como polo respaldo dos nosos anunciantes e subscriptores.

O periódico O Sil véndese en boa parte dos quioscos da provincia de Ourense e na zona de Quiroga, pero tamén chega a calquer parte do mundo a través de subscrición..

As orixes desta publicación remóntanse a xaneiro de 1995 cando se empezou a publicar como xornal deportivo valdeorrés, editado por Ainúr (unha asociación cultural sen ánimo de lucro), coa finalidade de falar e promocionar o deporte intercomarcal. Nesta primeira etapa publicáronse tres números mensuais: xaneiro, febreiro e marzo. Sen embargo, por motivos económicos, xa que non se cubrían custes, a publicación deixou de editarse. Cun novo impulso e cun proxecto de comunicación e empresarial serio, o xornal volveu a saír á rúa en 1996 xa co nome de O Sil ano 2000. Mantendo unha periodicidade mensual, a publicación engadiu á información deportiva outro tipo de seccións para ofrecer ós lectores unha información xeral co fin de achegarse ós diferentes ámbitos da realidade das comarcas da provincia de Ourense. Dende entón, o xornal continúa abríndose mes a mes a novos temas, modernizando as súas propostas, contidos e maquetación sempre coa pretensión de tentar cubrir todos os eidos de interese para os nosos lectores. Na actualidade, o periódico vén publicando unhas 88 páxinas mensuais (das cales unhas doce son á cor) ás que hai que engadirlle os suplementos de diferentes temas (pizarra, viticultura, entroido…), o que en moitas ocasións lle confire un carácter case quincenal.

O xornal está asimesmo a servir como vía de enlace entre as xentes destas comarcas que se encontran espalladas por diferentes lugares do planeta, e así chega por subscripción a diferentes países de Latinoamérica, Europa, Asia e incluso África, e, por suposto, a diversas cidades e pobos da xeografía española. Ademais con esta fiestra renovada que abrimos en internet esperamos que o noso proxecto chegue a máis persoas. Entre as iniciativas nas que está implicado o periódico O Sil para desenvolver estas comarcas están proxectos de tipo cultural, deportivo ou turístico, entre outros. Así, con frecuencia os nosos subscriptores reciben un póster a cor dalgúns lugares ou elementos naturais ou patrimoniais da zona cos que se pretende dar a coñecer a riqueza paisaxística, patrimonial, cultural… destas terras.

Para seguir facendo día a día posible este proxecto necesitamos contar coa axuda de todos e así gustaríanos que en cada fogar houbese un xornal do Sil ano 2000.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies