Récord de participación no VI Barathón de Trives

Preto dun cento de persoas completaron a ruta que tiña lugar na tarde-noite do Venres Santo

Con algo de retraso sobre o horario previsto pola organización ás 17:15h. dábase o pistoletazo de saída do VI Barathón de Trives con récord de inscricións. Máis dunha trintena de grupos diversos arrancaron este famoso evento lúdico-deportivo no cal tiñan 5 horas para tentar completar unha consumición en cada un dos 15 locais hostaleiros participantes nesta edición (faltou un bar sobre os 16 previstos xa que estaba pechado por reformas).

O grupo máis chamativo estaba formado por 4 persoas preparadas para a ocasión con dorsais propios e un atuendo que chamaba a atención de todos os triveses. Prometeron para a vindeira edición elaborar os dorsais para todos os participantes.

Xente de moi diversa procedencia acudíu ao Barathón. Á parte dos grupos que repetían participación das edicións anteriores: 10 grupos de Trives, 2 de Manzaneda, 1 de Chandrexa de Queixa, 3 de San Xoán de Río, 2 de Castro Caldelas e 5 de Ourense, nesta VI edición apareceron varios grupos novos: un de xente da Cañiza, outro de xente de Ribadavia, un grupo de Maceda, un de Quiroga, outro de Vilalba, un da Gudiña e outro dende La Puebla de Sanabria.

Ademáis hai que contar coa emigración de toda a comarca que volta a casa en Semana Santa de todos os puntos da península. Á parte de toda a xente de Madrid, Barcelona, Bilbao, Andalucía, etc, que aproveita as vacacións para vir a pasar a Semana Santa a súa casa e de paso participar no Barathón, deste ano viñeron varias persoas francesas e unha de Suecia con familia aquí, expresamente para participar no Barathón.

Pasaban as horas e varios dos grupos optaban por retirarse ao non dar seguido o ritmo. Debido ás procesións de Semana Santa o remate modificouse de lugar sendo na rúa San Martín. Polo retraso ao comezo do Barathón a organización deu 15 minutos extra para que todo o mundo puidese facer un sprint final e completar a proba.

Ás 22:15h. no San Martín máis de 90 persoas tiñan completo o seu diploma para participar no sorteo. Trala verificación por parte da organización e devolución dos diplomas aos seus donos, xa que a maioría da xente quere enmarcalo, comezou o sorteo, onde os premios foron moi repartidos:

Premio Vigo-Madrid – Esther Dominguez
Premio San Martín – Nieves San Xurxo
Premio Quintela – Juan Patxito
Premio Cantina – Xeila
Premio Sky – Mónica
Premio O Cafeto – Fumón San Xurxo
Premio O Paíño – María de Suecia
Premio Bodegón – Empalmes
Premio Panadería O Campo – Jacobo
Premio Ardora Trives – Fer
Premio Méndez – Jairo
Premio Manolos – Pájaro
Premio Casanova – Peixe
Premio Troula – Diego Pali
Premio Boliche – Ernesto Madrid

Tralo remate do sorteo a festa continuou ata altas horas da madrugada no Pub Candello e Pub Curvi onde todos os participantes desfrutaron de descontos nas consumicións.

Dende a organización do Barathón queremos dar as gracias a todos os locais hostaleiros colaboradores, a todo o mundo que participou na proba, ao xornal O Sil pola difusión deste evento e sobre todo a toda esa xente que botou unha man o día do Barathón axudando tanto á organización coma aos participantes.

E ollo, atentos, xa que o VII Barathón de Trives pode ser unha edición especial solidaria e celebrarse este verán. Proximamente darase mais información.

Texto: Xosé Miguel Pérez Blecua.
Fotos cedidas.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies