Os días 21 e 22 de outubro celebrarase no Centro de Alto Rendimento de Gaia (Portugal) o I Torneo Eixo Atlántico de Taekwondo. Unha proba que reunirá a un cento de deportistas de 12 municipios da Eurorrexión.
En concreto, nesta primeira edición do torneo dirixido a clubs e asociacións con atletas nados entre os anos 2000 e 2005, participarán representantes dos municipios de Santa Maria da Feira, Braga, Valongo, Vila Real, Barcelos, Maia, Matosinhos, Vila Nova de Gaia, Riveira, Ourense, Porto e A Coruña.
O programa consta de dúas xornadas. O primeiro día (sábado 21 de outubro) será de competición deportiva dende as nove da mañá, cando se levará a cabo a acreditación dos equipos. Ás 9:30h. serán as reunións dos delegados e árbitros; e os combates terán lugar dende as 10 ata as 18h. A entrega de premios será a partires das 18:15h. O segundo día (domingo 22) está pensado para o intercambio de experiencias entre os participantes, con actividades de lecer e cultura, para coñecer a cidade de Vila Nova de Gaia.
