A Xunta, a través da Consellería de Medio Rural, busca posibles solucións para axudar aos municipios afectados por incendios durante o mes de agosto. Para iso, a titular do departamento, Ángeles Vázquez, mantivo onte unha reunión cos alcaldes de Avión e a Pobra de Trives, Antonio Montero e Francisco José Fernández, respectivamente, para analizar esas consecuencias provocadas polos lumes nas devanditas vilas, onde foi preciso decretar como medida preventiva a situación 2.
A conselleira falou dun decreto de emerxencias que permitirá soliviantar os danos ocasionados na vaga de incendios e anunciou que irá mañá xoves ao Consello da Xunta co obxectivo de comezar “canto antes” a traballar. Os rexedores tamén mantiveron un encontro co director xeral de Ordenación e Produción Forestal, Tomás Fernández-Couto, no que debateron sobre as actuacións que se poden levar a cabo para rexenerar o monte e recuperar os bens afectados.