Sergio Pazos chega este xoves a Quiroga co seu espectáculo de monólogos

O actor e humorista ourensán actuará na Cervexería Ruxe Ruxe a partires das 23:30h.

O actor e humorista ourensán, Sergio Pazos.

O actor e humorista Sergio Pazos di que “o ser humano é un ser social por natureza e que se relaciona sobre todo a través da linguaxe”, pero tamén afirma que “hai momentos da vida nos que gozamos falando sos”. Conta que a súa avoa facíao moito “pasaba horas falando soa, con ela mesma sen ningún tipo de prexuízo”. E velaquí a inspiración para o espectáculo que achegará nesta ponte de decembro ata a Cervexería Ruxe Ruxe. Un monólogo de Sergio consigo mesmo pero dialogando co público; ou ao revés, un diálogo co público pero falando con el mesmo.

Recoñecido en televisión polo seu traballo en “Cuéntame” de TVE, series e programas da TVG como “Pratos combinados”, ou “Un nome, unha rúa” e polo mítico programa “Caiga Quien Caiga” Sergio Pazos chega a Quiroga co seu renovado espectáculo de monólogos no que tamén dará a coñecer o seu novo espectáculo “Afiando con humor” no que as historias de afiadores cheas de humor e relacionadas co rural e coa emigración serán as protagonistas.

A cita será este xoves, día 7 ás 23:30h. Entrada, 5 euros.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies