Na recta final da edición do que será o seu segundo traballo de estudo, e á espera de que sexa presentado oficialmente, o ano do X aniversario de Son do Sil, continúa o seu percorrido.
Despois de ser un dos convidados do programa “Aquí Galicia” da TVG do 21 de xaneiro no que presentaban dous temas dese novo disco (Quiéreme siempre e Al calor del amor en un bar), a agrupación barquense participa por segunda vez nos Premios Martín Códax da Música na categoría de orquestas, grupos e verbenaas, con outros dous temas do novo repertorio: Can’t help falling in love e Adiós ríos, adiós fontes.
Ademais, no mes de abril formarán parte da programación de actividades e espectáculos da Feira do Lázaro 2017, en Verín. A actuación de Son do Sil está prevista para o domingo día 2 ás 19h. no Auditorio Municipal.