Enmárcanse dentro do programa da Escola de Familias e levaranse a cabo o 10 de novembro e o 1 de decembro
A Concellería de Educación de Barbadás pecha o ciclo do primeiro trimestre de curso con dous talleres para continuar mellorando a educación emocional dos cativos. Estas actividades enmárcanse dentro da programación deseñada para a Escola de Familias e levaranse a cabo o 10 de novembro e o 1 de decembro.
O máis inmediato versará sobre a autoestima do neno e mostrará as mellores tácticas para potenciar a autoestima a través do poder do vínculo emocional. A cita será a partires das 19h, mesma hora para o taller do 1 de decembro. Este estará orientado, pola súa banda, á xestión dos celos e enfados entre nenos.