EconomíaEconomíaÚltima hora

A Tapería Al Natural recibe o premio ao mellor pincho da ruta “O Barco vai de Viños”

O acto de entrega tiña lugar na mañá do 8 de febreiro na sede do Barco CCA e de AEVA
Imaxe do pincho estrela elaborado pola Tapería Al Natural./ Foto: Carlos G. Hervella.

Ata 80 votos sumaba o “solombo ao doce e salgado” elaborado pola Tapería Al Natural, converténdose así no mellor pincho da VII Ruta “O Barco vai de viños”, que se desenvolvía do 12 ao 22 de xaneiro.

O nome do pincho ganador desvelábase na mañá do 27 de xaneiro, xusto antes do sorteo de catro ceas para outras tantas parellas entre as papeletas que os asistentes á ruta depositaban nas urnas dos diferentes establecementos ata o 24 de xaneiro. Eran un total de 611, das cales 113 considerábanse nulas ao non axustarse aos datos requeridos nas bases.

 

Acto de entrega do diploma ao establecemento ganador.

A entrega do diploma a este establecemento tiña lugar na mañá do 8 de febreiro, nun acto no que participaba a responsable da Tapería Al Natural, Ana, así como a vicepresidenta do Barco Centro Comercial Aberto (CCA), Ángeles Rodríguez, e a concelleira de Turismo do Barco.

Artigos relacionados

Back to top button