Tarde de fútbol, magosto e exhibición da man do C.D. Rúa

O campo do Aguillón acolleu a presentación dos seis equipos do club que compiten esta tempada

Moi animada estivo a tarde do 12 de novembro no campo de fútbol do Aguillón cunha triple celebración da man do C.D. Rúa: partido de liga da categoría sénior, presentación dos diferentes equipos do club e magosto.

Moi cedo comezaba o partido de liga entre o C.D. Rúa e o Cea. Un encontro que malia comezar moi favorable para os locais que se adiantaban no marcador 3-0 (tantos de Carlos) nunha fantástica primeira parte, torcíase na segunda encaixando os tres goles do empate. Ao final un punto para un equipo xove e irregular que non dá atopado a clave do xogo.

Os maiores do club no ganaron, pero a festa estaba asegurada xa que con seis equipos en competición, este ano o C.D. Rúa está de noraboa, con grandes ilusións postas nos máis pequenos. Así, diante da afección e dos familiares, os equipos sénior e xuvenil, facíanlle o corredor ao resto de equipos que eran presentados polos seus adestradores (Javier, Luis María, Carlos, Malira, Carlol, e Sabela), dende os prebenxamíns (equipos A e B) ata os infantís pasando polos alevíns. Unha gran canteira que garantiza o futuro do club rues.

O míster do primeiro equipo, Javier Ferrer fixo de mestre de cerimonias, dando paso ao magosto con bolos preñados e castañas asadas no que participaron xogadores, afeccionados, directiva e familiares.

Fotos: Mónica G. Bellver

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies