Don Benito (Badajoz) acollerá esta fin de semana os campionatos de España de salvamento e socorrismo de inverno infantil e cadete que reunirán a máis de 260 socorristas de 86 equipos pertencentes a dez comunidades autónomas.
Ao peche provisional das inscricións, nas probas infantís hai 88 socorristas inscritos, 48 de categoría femenina e 40 de masculina, agrupados en 29 equipos. Nas probas para cadetes, os socorristas elévanse a 175 (92 mulleres e 83 homes).
Neste segundo apartado será onde teña represenación o club ourensán Salvour, con tres deportistas cadetes: Eva Espinosa Fernández que participará na proba dos 200 metros natación con obstáculos, 100 metros combinada de salvamento e 50 arrastre de maniquí; Eva Feijoo Gómez; e Aldara Estévez Crespo, cos 200 metros obstáculos. As tres loitarán por “estar entre as finalistas”, aseguran dende Ourense.
