A chuvia non foi a única protagonista da tarde de fútbol vivida no campo rues do Aguillón o 5 de febreiro. Chovía, é certo, pero as estrelas do partido disputado entre o CD Rúa e o Toén FS foron as tarxetas que a colexiada pitou, todas ao equipo visitante (a maioría por protestar), que remataba a primeira parte do encontro con sete xogadores no campo. Entre os expulsados estaba o porteiro do Toén, Ricardo, con dobre amarela; as mesmas que Pablo. Jacobo e Daniel levaban sendas vermellas directas.
Con este panorama, ao C.D. Rúa só lle quedou marcar. Roberto abría o marcador local ao transformar un penalti no minuto 35. E xa na segunda parte sumaban os goles de Alberto en dúas ocasións, Miguel, Daniel e Ismael. Efrén marcaba para os visitantes pero o marcador era contundente: 6-1 para os locais que seguen sumando.
Fotos: Mónica G. Bellver
