Un cento de pilotos participará esta fin de semana na proba de induro Xtremo Mesego, que se celebrará no Concello do Carballiño. É a cuarta edición desta cita deportiva e será a primeira vez que se celebre con carácter internacional, xa que entre os participantes figuran inscritos un francés e varios portugueses. Do territorio nacional, chegarán pilotos procedentes do País Vasco, Navarra e Cataluña. Nomes como Pol Tarrés, Josu Baraibar ou Joaquín Rodríguez soarán moito estes días na vila ourensá.
A cita deportiva foi presentada esta mañá na Praza Maior da vila polo Moto Club Extremo Mesego, como organizador principal. Tamén estivo presente o edil de Deportes, Xosé Manuel Dacal, que acompañou a Juan Caderno e Miguel Lois en representación do clube moteiro. Dacal destacou a importancia do evento, apuntando á “calidade” e á participación, “que conleva a ocupación de prazas hoteleiras, a dinamización do sector hosteleiro e do turismo na vila”. O Concello colabora coa iniciativa.
En canto aos datos de carreira, a proba desputarase durante os días 1 e 2 de outubro. Na xornada do sábado levarase a cabo unha especie de pregón en Pena Cobertoira, a partir das 1u horas, e outro na Praza Maior ás 17:30 h. O domingo será a proba propiamente dita, que comezará en Pena Cobertoira arredor das 11 horas e rematará ás 17:30 horas coa entrega de trofeos.