Unhas 18 persoas fórmanse en economía social no Barco

Esta xornada informativa, promovida por AEVA e pola CEO, desenvolverase ao longo do 21 de setembro e incluirá visitas a cooperativas de Valdeorras

Ao redor do cooperativismo e da economía social xirá a xornada informativa que se imparte dende ás dez desta mañá no Centro de Formación da Asociación Empresarial de Valdeorras (AEVA). Nela participan unhas 18 persoas que están a realizar dinámicas para descubrir as diferenzas entre as posibles fórmulas xurídicas da economía social e as que están fóra dela ou para a creación dunha entidade propia de economía social.

Logo farase unha visita á adega cooperativa Xesús Nazareno do Barco e durante a tarde haberá unha nova saída, en concreto, coñeceranse as instalacións de Mel “Montañas de Trevinca” no concello da Veiga.

Esta acción “info-formativa” está promovida por AEVA e pola Confederación Empresarial de Ourense (CEO). Con ela preténdese “facer unha aproximación á realidade das entidades de economía social, descubrindo o potencial que teñen como xeradoras de emprego e autoemprego e ofertantes dunha calidade de traballo superior a outras alternativas”, segundo as entidades organizadoras.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies