Parada de Sil acollerá este domingo 16 de xullo, a XI edición da Carreira por Montaña Canón do Sil, sobre un percorrido de 33 km e 2.230 m de desnivel positivo, o que da idea da dificultade desta proba, unha das máis atractivas da Copa Galega.
Homologada polo FEDME, nesta carreira participarán os corredores máis destacados que están a disputar o podio da Copa, entre eles os campións Fernando Arca e o ourensán Elpidio Gómez, ourensán “figuras moi destacadas nas probas que se celebran en toda España”, aseguran dende o Concello de Parada de Sil.
Nesta edición, os inscritos alcanzan a cifra de 170 corredores, dos cales 24 son mulleres. Na carreira absoluta o máis veterano ten 62 anos e a máis veterana 51. Na saída prevista para as 9 da mañá, tamén estarán os participantes na oitaba edición da Media Carreira sobre un percorrido de 17 km.
A proba está organizada polo Clube de Montaña Ribeira Sacra e contará coa colaboración desinteresada e imprescindible da AA.VV. de Protección Civil de varios concellos.