Segue sumando títulos a un palmarés impresionante. Desta volta o técnico de orixe valdeorresa Lucas Mondelo vén de ganar co Dynamo de Kursk, equipo que dirixe por segunda tempada consecutiva, a Copa Rusia de baloncesto feminino. Impoñíase con autoridade, cun marcador de 85-55, ao MBA Moscow nesta fin de semana.
Este é o segundo título da tempada que este barquense da familia de “Os Careca” logra co Kursk, tras ganarlle na Supercopa de Europa ao Yakin Dogu turco.