CulturaCulturaGalerías de fotosÚltima hora

Verín celebra de forma anticipada o “Día da Biblioteca”

Os máis pequenos desfrutaban desta celebración na Biblioteca de Verín cun obradoiro de manualidades e contacontos

Divertíndose entre manualidades e escoitando atentamente un contacontos os nenos participaban da celebración do “Día da Biblioteca” na tarde do 21 de outubro na Biblioteca Municipal de Verín. Facíano ademais de forma anticipada xa que a data propiamente dita dese día é o 24 de outubro.

Por outra banda, a biblioteca abría o día 20 o prazo de inscrición para o “Obradoiro de cabazas” que terá lugar os días 25 e 26 de outubro, de 18:00 a 19:00 horas, para socios das instalacións. A actividade está ideada para un máximo 5 nenos por día, tendo que vir acompañados. Dada o alto número de solicitudes (vendo a experiencia de anos pasados) a organización dará prioridade a nenos e nenas que non acudiran nunca a esta actividade.

Fotos: Biblioteca de Verín.

Artigos relacionados

Back to top button