Verín, escenario da XII Feira do Viño de Monterrei

A mostra, que reúne a 15 adegas desta denominación ourensá, inaugurábase na tarde do 11 de agosto e continuará ata o 13 de agosto

A Alameda verinense acolle, por terceiro ano consecutivo, a XII Feira do Viño de Monterrei. O certame inaugurábase na tarde do 11 de agosto nun acto no que interviña por vez primeira a nova presidenta do Consello Regulador desta denominación, Lara Da Silva, quen resaltaba a importancia do sector vitivinícola para esta comarca ouernsá, así como a calidade dos seus caldos os recoñecementos colleitados.

Tamén tomaba a palabra no acto o alcalde de Verín, Gerardo Seoane, quen se refería á arraigada tradición vinícola desta zona, lembrando que, malia que esta D.O. “é a máis nova, pero coa historia de produción de viño máis antiga de Galicia”. Logo tiña lugar a lectura do pregón, desta volta a cargo de Julián Velasco Mielgo, director xeral das áreas de Programación e Comercial de Cadena COPE, quen lembraba a súa relación co mundo do viño, louvaba as elaboracións de Monterrei e incidía na importancia da comercialización.

Despois as diferentes autoridades percorrían o recinto feiral, que reúne nesta edición a 15 adegas: Abeledos, Boo Rivero (Fragas do Lecer), Daniel Fernández, Franco Basalo, Gargalo, Ladairo, Pazo Blanco Núñez (Tapias Mariñán), Pazo de Valdeconde, Quinta do Buble, Terras do Cigarrón, Trasdovento, Triay, Valderello, Vía Arxéntea e Vinos Lara. Ademais no recinto cóntase con stands que ofrecen diversas propostas gastronómicas.

A continuación, na igrexa da Mercé procedíase á imposición de medallas da Confraría dos Viños de Monterrei, un acto que estivo presidido polo presidente da Xunta e Galicia, Alberto Núñez, e que contaba coa presenza de diversas autoridades. Os cinco novos membros que se unen á confraría son: Bernardo Álvarez García (viticultor, impulsor da creación da D.O. Monterrei, e un dos primeros vogais do consello), José Luis Gómez Ibáñez (viticultor e propietario da adega Valderello), Gerardo Seoane Fidalgo (alcalde de Verín), Antonio Ángel Méndez Atanes (viticultor, enólogo ex presidente do CRDO Monterrei) e Julián Velasco Mielgo (pregoeiro desta edición).

Ademais entregábanse, por primeira vez, tres medallas de ouro a título póstumo a tres persoas pola súa vinculación con esta DO: Manuel Blanco Núñez (cofundador da adega Pazo Blanco Núñez – Tapias Mariñán), José Luis Vaz Vilela (fundador da adega Ladairo) e Ernesto Atanes Payo (cofundador de Crego e Monaguillo).

Asemade na tarde do 11 de agosto inaugurábase a mostra “Dionisos, 2000 anos de historia en Monterrei”. O certame continuará os días 12 e 13 de agosto con gastronomía, a través de stands na propia feira, viño, música e deporte. Os prezos das degustacións dos viños da feira son iguais que os das últimas edicións: 5 degustaciones por cinco euros e unha copa da D.O. por dous euros. O horario de apertura da feria será de 12.00 a 14.30 h e de 19.00 a 24.00 horas, sábado e domingo respectivamente.

Fotos: Carlos G. Hervella, agás as das imposicións de medallas que son cedidas polo Concello de Verín.
Máis información:
http://www.osil.info/dende-culto-dionisos-d-monterrei-nunha-exposicion/

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, pinche el enlace para mayor información.

ACEPTAR
Aviso de cookies