Anos atrás o centro da vila vilamartinesa acollía o día 24 de cada mes unha feira tradicional. Agora o Concello de Vilamartín traballa para recuperala e, nese senso, nestes días está facendo un chamamento para que “vendedores ambulantes da zona de
produtos variados: horta, téxtil, calzado, etc se unan ás tradicionais pulpeiras que cada 24 se achegan á vila”, explican dende esta administración local.
A recuperación deste mercado materializarase o vindeiro domingo. Ao chamamento do Concello “xa responderon algúns vendedores e vaise comezar a experiencia este domingo, 24 de xullo. Na Praza José Luis Núñez e centro da vila reuniranse ademais das pulpeiras á carón do Bar Santos, Marbella e Acuarela; outros postos dedicados a hortalizas, zapatería e roupa”, adiantan dende o Concello.
Calquera vendedor interesado na iniciativa pode poñerse en contacto co Concello para apuntarse.
