O magosto reuníu a numerosas persoas na praza Maior da localidade lucense
As castañas recén asadas, o viño novo e a música do dúo Camelia foron os protagonistas da tarde do 11 de novembro en Quiroga, o día no que celebraron a festividade do seu patrón, San Martiño.
O programna festivo comezaba xa de mañá cos cultos relixiosos e actividades deportivas e lúdicas para toda a familia, pero o acto central da xornada tiña lugar a partires das sete da tarde na praza Maior de Quiroga. Alí se xuntaban numerosas persoas para asistir ao tradicional magosto popular con festa ata altas horas da noite.
Fotos: Carlos G. Hervella.
