1.125 entradas para a XIX Festa do Botelo, vendidas en menos de hora e media

As restantes venderanse a partir das 10 horas do luns día 14 de xaneiro no terceiro andar do Concello

Lonxe de desaparecer, a “botelomanía” segue máis de actualidade que nunca. E unha mostra é a rapidez coa que un ano máis se vendían as entradas para a XIX edición da Festa do Botelo do Barco que se celebrará o vindeiro sábado, 19 de xaneiro.

Unha semana antes, o día 12, poñíanse á venda as 1.150 entradas dispoñibles para esta ocasión e en menos de unha hora e media vendíanse 1.125. Aínda que o Teatro Lauro Olmo abría as portas horas antes (os máis madrugadores amenizaron a espera vendo o filme Una receta familiar, por xentileza do Cine Club Groucho Marx), a taquilla abríase oficialmente ás nove da mañá, sendo o propio José María Rodríguez (presidente do cine club) e o tenente de alcalde Aurentino Alonso, os encargados da venda.

Tal como se anuncia nun cartel na porta do teatro, as 25 restantes venderanse a partir das 10 horas do luns día 14 de xaneiro no terceiro andar do Concello do Barco de Valdeorras.

Fotos: Mónica G. Bellver.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies