Volven subir os casos activos de coronavirus na provincia de Ourense. Así, neste luns 26 de outubro a Área Sanitaria de Ourense, Verín e O Barco rexistra 1.390 casos (datos ás 18h. do 25 de outubro), o que supón 91 máis que os comunicados onte pola Consellería de Sanidade. Deles 85 están ingresados en planta (5 menos que onte) e 15 (2 máis que onte) na Unidade de Coidados Intensivos.
O Hospital de Valdeorras continúa con 3 ingresos en planta e o Hospital de Verín rexistra 8 (1 máis que onte), mentres o Hospital Universitario de Ourense ten 73 en planta (7 menos que onte) e 14 na UCI (1 máis que onte). Ademais o Centro Médico El Carmen segue cun paciente na UCI.
Nas últimas 24 horas confirmáronse na provincia 153 novos casos de Covid-19 por probas PCR.
O total de casos na provincia de Ourense ascende a 6.029, con 4.418 curados e 220 falecidos. Ata o de agora lévanse realizado 87.821 probas PCR.
Galicia rexistra 6.766 casos activos, 335 máis que onte
A Dirección Xeral de Saúde Pública da Consellería de Sanidade informa que na última actualización, o número de casos activos de coronavirus en Galicia é de 6.766, deles 1.167 son da área da Coruña, 673 da de Lugo, 1.390 da de Ourense, 683 da de Pontevedra, 1.243 da área de Vigo, 1.122 da de Santiago, e 488 da de Ferrol.
Do total de pacientes positivos, 55 están en UCI, 389 en unidades de hospitalización e 6.322 no domicilio. Polo de agora, en Galicia hai un total de 25.585 persoas curadas, rexistrándose 868 falecementos.
O número de PCR realizadas é de 640.621.
