DeportesÚltima hora

140 deportistas participarán en Ourense, no campionato galego de natación artística de rutinas de inverno

Mañá, sábado 24 de novembro, celebrarase ademais a primeira xornada da liga galega de figuras de nivel
Nadadoras de nivel do Club Sincro Ourense.

Na xornada de mañá, 24 de novembro, a Piscina Rosario Dueñas de Ourense acollerá en horario de mañá e tarde, o campionato galego de rutinas técnicas de natación artística para a categoría júnior, así como a primeira xornada da liga galega de figuras de nivel para as categorías alevín e infantil.

Pola mañá, a partires das 11 celebrarase a proba de rutinas técnicas nas modalidades de só, dúo e equipo, na que participan un total de 48 nadadoras de cinco clubs. Doce delas  pertencen ao equipo anfitrión e organizador, o Sincro Ourense: Ana Moyano, Rocío Blanco, María Molina, Candela Rodríguez, Lucía Villar, Lola Carracedo,  Claudia Bande, Rebeca Ruíz, Laura Bernardo, Xiana Rodríguez, Elena Moyano e Gisele Cazás.  As ourensás participan cun equipo, dous sós e dous dúos.

A xornada de tarde, a partires das 16h. será para as figuras individuais. En categoría alevín participan 35 nadadoras, 12 delas do Sincro Ourense: Paula Moure, María Pousa, Cristal Mota, Alejandra Baliñas, Antía blanco, Iria Fernández, Estela Ojea, Noa Bobillo, Noa touriño, Dulce Romero, Sabela Rodríguez e Candela Flores. En categoría infantil serán 40 as participantes, sendo as do Club sincro: Eva Rodríguez, Antía Toiriño, Paula González, Erea Lamas, Blanca Moyano, Lía Lamas, Elia Rodríguez e Sarah Sánchez.

Esta competición, na que participan un total de 140 deportistas galegas, servirá de preparación para o XVI campionato de España infantil e júnior que se celebrará os días 1 e 2 de decembro na piscina M86 de Madrid. Alí, o Sincro Ourense estará representado polo seu equipo júnior que participará nas probas de equipo técnico, dúo técnico e só técnico. Na categoría Infantil participarán Eva Rodríguez, Antía Touriño, Erea Lamas e Blanca Moyano.

 

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close