Un total de 100 quilómetros, pasando por cimas como o Alto do Boi (900 metros de altitude), o Alto do Couto (1.303 metros) e o Alto da Seara (745 metros). Era o circuíto previsto para a II Rede Boi, volta cicloturista entre Quiroga e o Courel, que finalmente quedaba suspendido trala subida ao primeiro alto polas inclemencias do tempo.
A proba estivo organizada polo Club Ciclista Ad A Ponte Vella de Monforte de Lemos en colaboración co Concello de Quiroga e contou asemade coa colaboración da Garda Civil de Quiroga, da Garda Civil de Tráfico, da Policía Local, do GES, de Protección Civil e demais voluntarios, ademais de persoal do propio Concello lucense.
A maiores do ambiente creado en torno á volta cicloturista, o domingo Quiroga celebraba tamén a feira do mes.
Fotos: Carlos G. Hervella
