Os usuarios do Centro de Día de Quiroga e os nenos e nenas quiroguesas manterán un Encontro Interxeracional o vindeiro día 30 de xuño. O encontro, no que se realizarán diferentes actividades como xogos ou contos, desenvolverase no centro Social de A Ribeira.
As persoas usuarias do Centro de Día levan varios días facendo traballos e manualidades para poder interactuar cos rapaces. As familias interesadas en anotar aos seus fillos poden facelo na Casa da Cultura de Quiroga.