21 xogadores no I campionato de petanca Festas do Cristo celebrado o 14 de setembro

A tripleta de Valdeorras formada por Antonio, Jose e Gabriel lograban o segundo posto

Un deporte novo se sumaba este ano ao programa das Festas do Cristo do Barco. A petanca, un xogo moi popular en países como Francia chegaba a Valdeorras da man dun grupo de afeccionados que practican nas pistas do Chao, no Barco.

Levan un ano e medio xogando e tal é a afección coa que se atoparon (hai tardes nas que se xuntan ata 40 persoas) que dunha primeira pista pasaron a tres, chegando a constituír un colectivo reglado. Así nacía a Asociación Petanca Valdeorras presidida por Bienvenido Fernández que conta actualmente con 22 socios, aberta a todo aquel que queira unirse, non só do Barco senón de toda a comarca, de aí o nome.

Ademais de adestrar cada tarde, a idea do colectivo é organizar probas e participar en campionatos noutros lugares con máis tradición así como inscribirse na Federación Galega de Petanca. No Barco xa organizaron dúas no marco das Festas do Chao e hoxe daban un paso máis coa celebración do I campionato das Festas do Cristo.

Ás 16 horas do venres 14 de setembro comezaba o torneo no que participaron sete tripletas (equipos formados por tres xogadores cada un): 4 da Asociación Petanca Valdeorras, 2 do Club Deportivo Temple de Petanca de Ponferrada e 1 do Club de Petanca de Fabero.

Os 21 xogadores disputaron as sucesivas partidas ao longo de máis de dúas horas, seguidas por numerosos afeccionados que animaban a Finca do Chao o Día do Cristo, contando coa presenza do alcalde do Barco Alfredo García que foi o encargado de entregar os trofeos aos nove gañadores (tres por cada tripleta). Os primeiros clasificados foron Vicente, Manolo e Manuel do Club de Ponferrada; os segundos os locais, Antonio, Jose e Gabriel de Valdeorras; e os terceiros Reginaldo, Samuel e Pilar de Fabero.

E trala competición chegaba a merenda, no entorno da Casa do Chao onde a asociación ten un local cedido polo Concello.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies