Publicidade
ConcellosÚltima hora

214.000 euros para mellorar a captación de augas de Vilamartín

A duración destas obras neste concello valdeorrés será de catro meses
Vista da vila de Vilamartín de Valdeorras./ Foto: Carlos G. Hervella.
Vista da vila de Vilamartín de Valdeorras./ Foto: Carlos G. Hervella.

Vilamartín de Valdeorras verá pronto renovado o seu servizo de abastecemento de augas. O Consello da Xunta aprobaba na súa reunión do 20 de novembro aprobaba a colaboración técnico-financeira do Goberno galego con este concello valdeorrés para a
execución da obra de mellora da captación de auga desta vila ourensá. Para levala a cabo destinarase un investimento dalgo máis de 214.000 de euros. O prazo de execución das obras será de catro meses.

O núcleo de Vilamartín abastécese “dunha captación formada por un azude existente nun afluente do río Leira, que se atopa nun deficiente estado de conservación e é practicamente inaccesible, o que complica o seu mantemento. Por outra banda, unha parte da traída é de fibrocemento de 200 milímetros, moi antiga e presenta continuas roturas”, segundo a información da Xunta.

Co fin de mellorar isto, as obras previstas comezarán pola limpeza da zona do azude, “a substitución do cestón de grosos por unhas reixas de desbaste finas e unha malla, e dende este punto instalarase un pequeno tramo de condución. Así mesmo, executarase unha condución de PVC cunha lonxitude total de 1859 metros, coa valvulería necesaria”, segundo se adianta dende a Xunta de Galicia.

Así, unha vez estudada a petición do concello de Vilamartín de Valdeorras e examinada a súa situación económico-financeira, a a Adminsitración autonómica acordaba aprobar a colaboración técnico-financeira das obras e sufragar o 100 destas con cargo aos orzamentos de Augas de Galicia.

Pola súa banda, o Concello de Vilamartín de Valdeorras asume, a través do acordo, o compromiso de facerse cargo da explotación e mantemento das instalacións unha vez executadas e recibidas as obras.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close