DeportesGalerías de fotosÚltima hora

22 parellas no Torneo de Bolos de Punxeiro

A XIV edición do campionato reuníu a boleadores de diferentes puntos de Galicia, de Asturias e de León

A comezos de agosto, a localidade de Punxeiro (Viana do Bolo) volvía ser o punto de encontro de boleadores de Asturias, dos concellos de Viana, A veiga, O Bolo, Puente de Domingo Flórez (León) e incluso da provincia da Coruña. O motivo, participar na XIV edición do torneo de bolos por parellas organizado polo Club de Bolos Punxeiro.

En torno ás once da mañá do sábado 9 de agosto, os participantes preparábanse para competir. O primeiro sería decidir quen tiraba en cada campo e trala fase de clasificación comezaba o torneo propiamente dito que non remataría ata pasadas as dez da noite, cun descanso para xantar a base de churrasco na casa do pobo.

Como en toda competición os participantes loitan por conseguir a máxima puntuación, pero este torneo é tamén unha festa na que un grupo de amigos, amantes do tradicional xogo dos bolos reúnese unha vez ao ano para pasar un día xuntos, botar unhas risas, e de paso tentar facerse con algún dos premios: xamóns para os primeiros, paletillas para os segundos e lacóns para os terceiros clasificados en cada campo, tal como explica o presidente do Club de Bolos Punxeiro, Luis Herrera.

No campo 1, os gañadores do primeiro premio foron Luis e Jami chegados do Club de Bolos Punxeiro, o segundo premio foi para Denís e Diego do Club da Chaira (Viana do Bolo), mentres que o terceiro foi para Aníbal e Batista do Club de Bolos do Puente de Domingo Flórez.

No campo 2, os gañadores foron Arzu e Luis do club de Camos, seguidos por Diego e Manuel chegados dende Boiro (A Coruña) e Paco e Isidro da Asociación do Bolo Vaqueiro de Cangas del Narcea (Asturias).

E xa no campo 3, a mellor parella boleadora foi a formada por Antonio e Paco do Club de Bolos Froxais, os segundos Manuel e Luis da Asociación do Bolo Vaqueiro e a terceira parella foi a formada por Juan e Ángel do Club de Bolos Punxeiro.
A competición remataba coa entrega de premios e a convocatoria para unha nova cita cos bolos celtas en Punxeiro o vindeiro ano.

Fotos: Carlos G. Hervella/ Francisco Álvarez Cadenas

Máis información na edición en papel do Periódico O Sil.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close