A Asociación de Amigos do Camiño de Santiago pola Ribeira Sacra organizou un acto en Monforte
Na tarde do 28 de decembro, a Asociación de Amigos do Camiño de Santiago pola Ribeira Sacra, celebraba na Casa da Cultura de Monforte de Lemos un acto para presentar o plan director do Camiño de Santiago que contou entre outros coa presenza da presidenta da asociación, Aida Menéndez e a delegada territorial da Xunta en Lugo, Raquel Arias.
A asociación leva case vinte anos loitando pola promoción e recoñecemento do Camiño de Inverno e, finalmente, parece que a oficialidade farase efectiva cando se aprobe a lei galega do patrimonio cultural cuxo anteproxecto inclúe, por primeira vez, a variante que entra en Galicia por Valdeorras entre as rutas xacobeas.