OurenseÚltima hora

Rubén Riós estrea “Vida” e “Máis ca vida”

A proxección da curta e do documental será o 25 de febreiro no Auditorio de Ourense
Presentación dos proxectos de Rubén Riós "Vida" e "Máis ca vida".
Presentación dos proxectos de Rubén Riós “Vida” e “Máis ca vida”.

A curtametraxe “Vida” e o documental “Máis ca vida”, adicado ás persoas con capacidades diferentes estrearanse o vindeiro xoves 25 de febreiro ás 21 horas no Auditorio de Ourense.

O proxecto, dirixido polo ourensán Rubén Riós, está protagonizado por Óscar Rodríguez e Mónica Ferreiro (ámbolos dous con discapacidade intelectual), e conta coa participación dun colectivo de persoas con capacidades diferentes, así como coa de recoñecidos intérpretes galegos.

“Máis ca vida” recolle dende un enfoque realista e natural todo aquilo que de xeito indirecto contribuíu á creación da curtametraxe “Vida”, que amosa as vidas de dúas familias unidas polo destino a través de sendos membros das mesmas con discapacidade intelectual. O documental recolle, ademais, as testemuñas de persoas con distintas capacidades, así como os ensaios do colectivo, onde se comproban as inquedanzas e alegrías que supuxo esta rodaxe para os discapacitados que participaron nel.

Dirixido polo polifacético Rubén Riós (actor, director, productor), o equipo artístico da curta complétano numerosos actores e actrices galegos, entre os que destacan Javier Gutiérrez, Cristina Castaño, Luis Iglesia ou María Mera entre outros.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close