ConcellosGalerías de fotosÚltima hora

30 aniversario do Valedor do Pobo

O valdeorrés José Julio Fernández ocupa este cargo dende maio de 2012 Dende o Valedor do Pobo de Galicia seguirase loitando “por defender os dereitos constitucionais e estatutarios dos galegos”. Así o aseguraba no 30 aniversario da creación desta figura o valdeorrés José Julio Fernández, que ocupa o cargo de Valedor do Pobo dende maio de 2012. A súa intervención, na que fixo balance do labor desenvolvido no 2013 (no que se tramitaron ata 18.887 expedientes) e expuso os retos que ten por diante esta institución, clausuraba unha celebración desenvolvida no Salón de Reis do Parlamento de Galicia coa presenza de numerosas autoridades e representantes da política, da sociedade e da cultura galega, entre eles outros valedores do pobo de España e Portugal.

Anteriormente tomaba a palabra o vicepresidente da Xunta de Galicia, Alfonso Rueda, quen resaltaba a relevancia da figura do Valedor do Pobo, da que xa os redactores “do noso Estatuto de Autonomía e os deputados galegos da primeira lexislatura, tomaron” a súa lexislación “como unha prioridade, sendo un dos primeiros piares da construción da Galicia autonómica”. Tamén se referíu á imparcialidade na defensa das queixas que os cidadáns lle trasladan, “sendo a voz independente ante os representantes públicos das verdades e dos datos que resultan da interlocución directa con todos os cidadáns”.

Tamén estivo presente nesta conmemoración o delegado permanente adxunto de España ante a Unesco, José Antonio Ory, quen recoñeceu asemade o labor desenvolvido dende o Valedor do Pobo e adicaba a súa intervención á defensa da cultura nunha sociedade como a actual.

Ademais nesta celebración proxectáronse vídeos sobre a historia do Valedor e as persoas que o encarnaron, dende o primeiro, José Cora, en 1990, ata a actualidade e tamén se procedeu a lectura, por parte dunhas nenas, de artigos da lei pola que se creou esta institución. O acto pechábase cunha actuación da Real Banda de Gaitas da Deputación de Ourense.

Fotos: Carlos G. Hervella

(Máis información na vindeira edición do Periódico O Sil).

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close