Ourense foi escenario o xoves 12 de maio da Gala dos Premios do Deporte Galego 2015, presidida polo presidente da Xunta, Alberto Núñez Feijóo, e na que a provincia foi recoñecida con dous clubes premiados: o Club Ourense Baloncesto SAD e o Club Ciclista Maceda.
O titular do goberno autonómico entregou a meirande parte dos galardóns e deulles as grazas aos premiados polo seu labor á hora de “construír unha marca de país baseada no esforzo e na capacidade de superación”.
Tamén estivo presente o máximo representante da Deputación da Provincia, Manuel Baltar, que destacou a “innovación e as potencialidades que fan de Ourense un referente para o deporte de elite e de base”.
O alcalde da cidade, Jesús Vázquez, foi o encargado de inaugurar a gala, que foi posteriormente clausurada con palabras de Feijóo e a actuación da Real Banda de Gaitas da Deputación de Ourense, que interpretou o Himno Galego.
Relación de premiados nesta edición:
• Premio Galicia Saudable á entidade educativa destacada no fomento e promoción da actividade física e hábitos de vida activa: IES de Murgardos.
• Mención especial : Daniel Pérez Morales (ximnasia)
• Premio deportista revelación: Miguel Alvariño García (Tiro con arco)
• Premio á mellor entidade na promoción do deporte de base: Club Ciclista Maceda.
• Premio ao mellor labor informativo: +Deporte/La Región.
• Premio ao mellor adestrador: Rafael Vázquez López (Bádminton)
• Premio Galicia Saudable á entidade de carácter privado destacada no fomento e promoción da actividade física e hábitos de vida activa: ALCER Coruña.
• Premio deportista revelación: Adrián Ben Montenegro (Atletismo)
• Premio á mellor deportista feminina con discapacidade: Susana Rodríguez Gacio.
• Premio Galicia Saudable á entidade de cáracter público destacada no fomento e promoción da actividade física e hábitos de vida activa: Concello de Arteixo.
• Premio ao mellor evento deportivo: Gran Premio Internacional de Marcha Atlética Cantones de A Coruña
• Premio ao/á mellor árbitro/a-xuíz/a: María Bautista Maestre.
• Premio á mellor deportista feminina: Teresa Portela Rivas.
• Premio ao patrocinio deportivo: Abanca
• Premio ao mellor equipo de deportistas con discapacidade: Darlim Racing Chapela.
• Premio ao mellor equipo masculino: Club Ourense Baloncesto SAD.
• Premio ao mellor equipo feminino: Clube Balonmán Mecalia Atlético Guardés.
• Premio ao mellor deportista masculino con discapacidade: Martín de la Puente Riobó.
• Premio ao mellor deportista masculino: Francisco Javier Gómez Noya
