SanidadeSen categorizar

40 residentes MIR conclúen a súa formación en Ourense

O acto de clausura do curso académica tiña lugar o 20 de maio na cidade

mirpromoc

A Comisión de Docencia, equipo directivo, titores e profesionais da Xerencia de Xestión Integrada de Ourense, Verín, e O Barco despedían o 20 de maio aos 40 residentes que este curso completaron a súa formación postgrao nos centros acreditados para docencia de Ourense. A partires de agora inician a súa carreira profesional.

Trinta e catro deles son médicos: 11 de Medicina Familiar e Comunitaria, 3 de Anestesioloxía e Reanimación, 2 de Pediatría e Áreas Específicas, 2 Radioloxía e Radiodiagnóstico e formáronse nas especialidades de Análises Clínicas, Medicina Preventiva e Saúde Pública, Aparello Dixestivo, Nefroloxía, Pneumoloxía, Obstetricia e Xinecoloxía, Oftalmoloxía, Otorrinolaringoloxía, Psiquiatría, Cirurxía Xeral e do Aparello Dixestivo e Cirurxía Ortopédica e Traumatoloxía.

Os seis restantes remataron súa formación postgrao nas especialidades de Enfermería Obstétrico-Xinecolóxica, Enfermería de Saúde Mental, dous, e un en Psicoloxía Clínica e Farmacia Hospitalaria.

O acto de clausura deste Curso Académico 2013-14 comezaba cunha conferencia de Alfonso Otero, doutor especialista en Nefroloxía, e xefe deste servizo no Complexo Hospitalario Universitario de Ourense (CHUO). De seguido tivo lugar a entrega das acreditacións de especialista.

Asemade, neste mesmo acto entregáronse os premios a labor investigadora dos residentes durante a súa etapa de formación. Na especialidade de Medicina Familiar e Comunitaria o “V Premio Ana López á mellor actividade investigadora”, iniciativa que leva o nome desta residente de medicina familiar, falecida en 2009, para lembrar a súa implicación nas labores docentes e a súa calidade humana e profesional. Asemade entregáronse os premios de investigación da Comisión de Docencia Hospitalaria.

Artigos relacionados

Deixa unha resposta

O teu enderezo electrónico non se publicará Os campos obrigatorios están marcados con *

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close