A proba vén de cumprir a súa terceira edición
O paseo do Malecón do Barco convertíase na mañá do domingo 23 de marzo en punto de saída e meta da III Carreira por Parellas Obarconamora, promovida polo Barco Centro Comercial Aberto (CCA) en colaboración coa delegación valdeorresa da Federación Galega de Atletismo. Unhas 21 parellas tomaban a saída na proba, que contou asemade cun apartado para os máis pequenos e no que participaron 76 nenos.
A cita estaba inicialmente prevista para o 16 de febreiro, pero finalmente debido ao mal tempo aprazouse para acabar celebrándose en marzo.
Foto: Carlos G. Hervella
(Máis información nas páxinas de Deportes da vindeira edición do Periódico O Sil).