48.000 euros para mellorar a seguridade viaria da rúa Carril, en Larouco

Rehabilitarase o firme ao longo dos case 200 metros desta rúa paralela á estrada OU-636

O concello de Larouco recibía na mañá do 22 de abril a visita da conselleira de Infraestruturas e Mobilidade, Ethel Vázquez, para asinar un convenio de colaboración coa Administración local para mellorar a seguridade viaria da rúa Carril.

Cun investimento de 48.000 euros, o obxectivo desta colaboración rubricada pola xefa do departamento de Infraestruturas da Xunta e o alcalde de Larouco Joaquín Bautista Prieto, é executar os traballos de rehabilitación do firme ao longo dos case 200 metros desta rúa paralela á estrada autonómica OU-636, o que incidirá “directamente na mellora da accesibilidade e da seguridade viaria de peóns e condutores”, afirman dende a consellería.

 

A conselleira de Infraestruturas á chegada a Larouco.

 

As tarefas a executar no marco deste convenio inclúen a instalación do sistema de recollida de augas pluviais na parte da rúa que carece da mesma, co obxectivo de “evitar inundacións da calzada”.

Mediante este convenio Infraestruturas “comprométese a financiar as obras de mellora, e o Concello de Larouco asume a obriga de levar a cabo as actuacións necesarias para a correcta execución das obras, así como á contratación, execución, dirección, control e recepción das obras”, conclúen dende a Xunta.

 

Ethel Vázquez e o alcalde de Larouco Joaquín B. Prieto, asinando o convenio.

Fotos: Carlos G. Hervella.

Scroll To Top

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies