Con motivo de que cada día son máis as vivendas que fan uso do composteiros individuais nas súas hortas, o Concello de Allariz en colaboración coa Asociación ADEGA, para a defensa ecolóxica de Galiza, reparte nestes días a través do programa RE, 50 novos composteiros individuais por toda a vila.
Con este novo reparto, sumanse máis de 400 composteiros individuais en Allariz, o que supón un aumento na recollida de lixo e separación de materia orgánica. Os técnicos municipais en colaboración con ADEGA realizan tanto a distribución como a instalación e formación ás familias que así o solicitan, que dispoñen de horta e queren tratar, mediante compostaxe, os seus residuos orgánicos domésticos así como os restos vexetais da horta ou xardín. O teléfono de contacto para aquelas familias que desexen solicitar un composteiro é o 988 440 001.
Con esta iniciativa , o programa RE, informa da importancia da compostaxe no fogar tanto por cuestións medioambientais como económicas, xa que coa compostaxe redúcense os kilos de emisión de CO2 á atmosfera ao ano e ademais evítanse aos concellos os gastos de recollida e transporte do lixo orgánico.