De entre as 253 obras presentadas nesta edición, o xurado escolleu a de Alfredo León Mañú, de Aoiz (Navarra)
Máis de 250 obras eran sometidas á valoración do xurado do Concurso de Carteis da 53ª Feira do Viño do Ribeiro na mañá do 7 de marzo, na sede do Consello Regulador do Ribeiro, en Ribadavia. Nesta edición o certame lograba o seu índice máis alto de participación.
Finalmente os membros do xurado escollían a obra presentada polo profesional das artes e deseño gráfico Alfredo León Mañú, de Aoiz (Navarra). Ademais de converterse na imaxe que representará a Feira do Viño do Ribeiro 2016 (do 29 de abril ao 1 de maio), a obra será premiada con 1.500 euros.