DeportesÚltima hora

72 axentes da Policía Nacional darán seguridade en cada etapa de “La Vuelta” que arranca hoxe en Irún

A Unidade de Intervención Policial (UIP) establecerá a diario un perímetro de seguridade que cobrirá o primeiro cento de metros da estrada e o último quilómetro antes da chegada á liña de meta

 

A cidade de Irún (Guipúscoa) acollerá hoxe, 20 de outubro, a saída da 75 edición da Volta Ciclista a España 2020 e, como cada ano, a Policía Nacional despregará un dispositivo de seguridade en cada etapa. Ata o próximo 8 de novembro, cando finalice en Madrid, 72 axentes das Unidades de Intervención Policial (UIP), co apoio dos persoais por onde transcorra cada etapa, velarán pola seguridade e protección dos deportistas e organizadores e garantirán o mantemento da orde pública.

O dispositivo de seguridade estará conformado por un grupo operativo e tres equipos operativos da UIP, os cales establecerán un dispositivo de seguridade na saída e na meta de cada unha das 18 etapas, asumindo a protección de todas as instalacións que estableza “La Vuelta” -control de sinaturas, entrega de acreditacións, estacionamento de equipos, zona posterior a liña de meta, pódium ou control de dopaxe-. Igualmente, realizarase un despregamento no primeiro centenar de metros da carreira e no último quilómetro antes da chegada á liña de meta (perímetro de seguridade).

En cada etapa sestablecerase un operativo de seguridade específico por parte da correspondente Xefatura Superior de Policía, segundo a competencia territorial, en coordinación co responsable do dispositivo da Comisaría Xeral de Seguridade Cidadá. Este operativo alcanzará non só á saída e meta de cada etapa, complementando o existente nos casos que sexa necesario, senón tamén aos percorridos ou tramos de percorrido da estrada que se atopen en demarcación de Policía Nacional.

La Vuelta 20 chegará á provincia de Ourense o vindeiro 4 de novembro cun final de etapa no Seminario Maior, na cidade das Burgas. E xa ao día seguinte pasará entre outros polos concellos de Verín e A Gudiña rumbo á Sanabria, na provincia de Zamora.

 

Artigos relacionados

Back to top button
Close