O 55 do Rallye de Ourense Recalvi arranca este xoves 16 de xuño e contará cun total de 73 equipos na liña de saída disposta no parque de San Lázaro. Entre eles José Antonio Suárez, Pepe López, Efrén Llarena, Iván Ares ou Alejandro Cachón, os principais candidatos ao triunfo dentro da cita, única en Galicia puntuable para o Supercampeonato de España de Rallyes.
Finalmente serán 47 equipos os incluídos dentro da lista puntuable para o SCER, coa Copa Suzuki Swift e a Peugeot Ibérica como grandes animadores. Nesta lista, varios nomes ourensáns importantes como os de David Cortés, Diego Félix ou Pablo Blanco, copilotados por Rubén Soto, Raquel Rodríguez e Ian Quintana, respectivamente.
Para o Trofeo Escuadra Ourense, 26 equipos máis, co firme propósito de ser partícipes da que é a cita automobilística máis importante da provincia de Ourense. O venres 10 de xuño publicarase a lista de rexistrados ordenada e numerada.
