ConcellosGalerías de fotosÚltima hora

800.000 euros de Medio Rural para o fomento do pastoreo no macizo central ourensán

A conselleira, Ángeles Vázquez visitou o concello de Chandrexa de Queixa que conta con 78 granxas de vacún de carne, 41 de ovino-cabrún e e 22 explotacións de porcino

Posibilitar a ordenación e posta en valor do pastoreo no macizo central ourensán, así como a mellora na loita contra os incendios forestais, é o obxectivo que persegue o plan específico que desenvolverá a Consellería de Medio Rural. Así o aseguraba a aconselleira do Medio Rural, Ángeles Vázquez, durante a visita que realizaba na maña do 16 de marzo ao municipio ourensán de Chandrexa de Queixa, onde mantivo unha xuntanza con gandeiros e con representantes municipais, entre eles o propio alcalde, Francisco Rodríguez, acompañada pola delegada da Xunta en Ourense, Marisol Díaz. A titular de Medio Rural coñeceu tamén unha explotación de vacún de carne na parroquia da Espasa.

Segundo a conselleira, este plan de pastoreo aplicarase entre este ano e o vindeiro, empezando por realizar “unha radiografía da situación dos pastos, a estrutura e distribución do gando no monte e as necesidades en canto a terreos e infraestruturas como peches, etc”, adiantan dende Medio Rural. A partir da análise pormenorizada levarase a cabo unha regularización da actividade buscando harmonizar os intereses de todos os implicados, fundamentalmente gandeiros e titulares dos terreos, cos que se consensuará, en todo momento, a posta en marcha do plan. Ademais, está previsto redactar os correspondentes proxectos de execución de obras.

Durante a visita, na que tamén estivo presente o deputado popular Moisés Blanco, a conselleira salientou “que no ano 2016 houbo en Galicia un total de 126 incorporacións de mozos ao agro dentro da orientación produtiva de vacún de carne” que representan o 20,39% do total dos incorporados e “recibiron unha axuda global de 4,5 millóns de euros”. Segundo Ángeles Vázquez, estes datos dan idea “da importancia do sector na nosa comunidade, que ocupa o terceiro lugar de España en produción”. No caso concreto de Chandrexa de Queixa, o municipio conta, segundo os datos da Consellería, con 78 granxas de vacún de carne (1.914 animais); 41 de ovino-cabrún (1.469 reprodutoras); e 22 explotacións de porcino, cunha capacidade de 109 animais, sendo a maior parte delas para autoconsumo.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close