OurenseÚltima hora

A 23ª edición do OUFF celebrarase do 29 de novembro ao 5 de decembro

O evento audiovisual contará con Miguel Anxo Fernández como coordinador artístico e con Aurelio Gómez Villar como coordinador técnico
Miguel Anxo Fernández, Manuel Baltar e Carmen Leyte presentando o novo logotipo do OUFF.

Despois de meses en vilo, a Deputación de Ourense facíase cargo da organización da 23ª edición do Festival de Cine de Ourense (OUFF) e na mañá do 16 de outubro daba un paso máis, coa sinatura dun protocolo de colaboración coa Fundación Carlos Velo.

O evento audiovisual, referente na provincia, e terá a Miguel Anxo Fernández, vicepresidente da Fundación, como coordinador artístico, e ao asesor de Cultura da Deputación de Ourense, Aurelio Gómez Villar, como coordinador técnico.

Esta nova edición do Festival de Ourense que se celebrará do 29 de novembro ao 5 de decembro,  comeza a súa andaina da man da Deputación de Ourense, é froito da cooperación entre a institución provincial, o Concello de Ourense –que cede a marca do certame- e a Xunta de Galicia –que colabora economicamente-, destacou o presidente do goberno provincial, adiantando que o equipo humano que integra a edición deste ano está formado por: Miguel Anxo Fernández, coordinador artístico; Aurelio Gómez Villar, coordinador técnico; Xosé Manuel Rodríguez, xornalista e durante anos xerente das Xociviga do Carballiño; Xosé Enrique Acuña, documentalista fotográfico; Antonio Piñeiro, xornalista e vinculado ao CeMAC; Chema Paz Gago, catedrático de Comunicación Audiovisual da UDC, e Laura Gardós Velo, presidenta honoraria da Fundación Carlos Velo, cineasta e guionista. Asemade, participan César Silva, xornalista vinculado historicamente ao Festival; Eduardo Galán, crítico cinematográfico; Paulino Pérez, profesor de Comunicación Audiovisual na Uvigo e coordinador do CeMAC; Miguel Grandío, graduado en Comunicación Audiovisual e coordinador do certame de curtas; Aldara Pagán, graduada en Comunicación Audiovisual; Suso Obenza, deseñador gráfico e autor do cartel e da imaxe gráfica do Festival, e por parte do “OUFF Escola”, Ani Cacabelos.

No acto de sinatura no que participaron o presidente da Deputación Manuel Balatar e a presidenta da Fundación Carlos Velo, Carmen Leyte, presentouse tamén o logotipo do Festival, cuxas bases da sección oficial e do concurso de curtas (que se exhibirán no centro cultural Marcos Valcárcel, no Teatro Principal, no Auditorio de Ourense, no Liceo e na sala do Cineclube Padre Feijoo) será aprobado este venres pola Xunta de Goberno da Deputación.

O protocolo asinado hoxe recolle que “a institución provincial asumirá con cargo aos seus orzamentos os gastos de organización, e adscribirá, nas datas, horario e para as funcións que se determinen no seu momento, persoal propio, para a realización de tarefas necesarias para a organización do OUFF 2018, ademais de pór a disposición do Festival os espazos da súa titularidade: Teatro Principal e centro cultural, nas datas e horario que se determinen”. Pola súa banda, a fundación asume a dirección, coordinación e execución da parte artística do festival de cine, incluídas as actividades culturais complementarias; a selección e visionado das películas, tanto as da sección oficial, como as dos ciclos paralelos; e a organización e gastos da exposición “O retrato maior do noso cine”, de Xulio Gil, dentro das actividades complementarias do Festival.

 

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close