ConcellosÚltima hora

A AA.VV. San Lourenzo de Arcos non está dacordo coa proposta de instalar a EDAR na zona industrial da vila

A veciñanza desta localidade propuxo unha nova ubicación "lonxe da poboación e nunha zona non inundábel"

Vista parcial de Arcos (Vilamartín de Valdeorras). /Foto: Mónica G. Bellver.

 

Por “causas de saúde pública para toda a veciñanza de Arcos, máis da mellora e posta en marcha da zona industrial no chairo do pobo, os veciños desta localidade decidiron non aceptar a proposta do Concello de Vilamartín de Valdeorras máis da Confederación Hidrográfica Miño-Sil, para a instalación da nova estación depuradora de augas residuais (EDAR) na zona industrial do pobo”. Así o aseguran, a través dun comunicado, dende a Asociación de Veciños San Lourenzo que o pasado 3 de febreiro asistía á reunión no concello co alcalde e os técnicos da confederación.

“Logo da xuntanza quedou palpable a postura duns e doutros”, asegura o presidente da AA.VV, Jesús Dorado Noya, “a dos veciños de Arcos, rexeitar a instalación da nova EDAR no chairo do pobo, principalmente por causa de saúde pública dado a proximidade desta zona coas vivendas do pobo (escasos 300 metros); e por outra a do concello máis a CHMS, obstinados en ubicala na zona industrial”.

Dorado Noya asegura que “os veciños de Arcos desexamos unha nova depuradora na que tanto o noso pobo como Córgomo, Baxeles, As Gralleiras, As Bodegas, Valdegodos, as industrias máis outras localidades que no futuro cheguen a mover as súas augas a esta nova EDAR, teñamos a tranquilidade e a confianza de ter realizado os deberes da mellor das maneiras, para que os nosos fillos e netos poidan seguir desfrutando do rural como o facemos nosoutros”. Para iso, a veciñanza de Arcos propuxo unha nova ubicación, lonxe da poboación e cumprindo o requisito da propia CHMS, “que non é outro que non se ubique en zona inundábel”, pubtualizan o presidente do colectivo veciñal.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close