CulturaCulturaGalerías de fotosMúsicaÚltima hora

A academia de danza Bayadère pecha o curso cun animado e divertido festival no Barco

As alumnas dos diferentes niveis actuaron no Teatro Lauro Olmo diante dun numeroso público

Nun castelo medieval gobernado polo rei e pola raíña; entre princesas, fadas, bufóns, campesiñas e maiordomos, se desenvolvía o festival de fin de curso da academia de danza Bayadère.

Diante do numeroso público que enchía o Teatro Lauro Olmo do Barco de Valdeorras, con coidadas coreografías e impecable vestiario, as alumnas amosaban na tarde do 25 de xuño toda a súa arte. Dende as máis pequeniñas de iniciación á danza e pre-danza, ata as que compiten en baile moderno, pasando polos diferentes niveis tanto de baile cásico como moderno, todas tiveron o seu momento, arrrancando sonoros aplausos e vítores.

O broche de ouro á actuación, poñíao o grupo de baile moderno de competición que presentaba no Barco, o musical Bayaderlandia co que participaron no concurso Vigo Porté celebrado a comezos de maio. Unha divertida loita entre as protagonistas dos clásicos de Disney (Cenicienta, La bella durmiente, La bella y la bestia, La Sirenita,…) e as súas versións máis modernas, acompañadas pola propia profesora no papel da malvada Úrsula.

Quen queira ver o espectáculo ao completo e non pudera asistir nesta primeira sesión, terá unha nova oportunidade esta tarde, á mesma hora e no mesmo lugar (20:30h. no TLO), cun segundo pase.

Fotos: O SIL.

Artigos relacionados

Back to top button

Uso de cookies

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.
Pinche el enlace para mayor información. También puede consultar aquí nuestra política de protección de datos

ACEPTAR
Aviso de cookies
Close